အိုး.... အမေ

                     အမေမရှိတော့ဘူး ဆိုတဲ့ အသိက ကျွန်တော့် နှလုံးသားကို ဆွဲကိုင်ပေါက်ပစ်လိုက်သလို လှုပ်ခတ်စေပါတယ်...
သာမန် နှာစေး ချောင်းဆိုးတာကအစ ဖြစ်ခဲခဲ့တဲ့ အမေ၊ အခုလို ရုတ်တရက်ကြီး ကျွန်တော်နဲ့ ညီမလေးကို ခွဲခွာသွားတော့ ရင်ထဲမှာ ဟာတာတာနဲ့ ခံရခက်မိတယ်..

          ကျွန်တော်ငယ်ငယ်က အဖေငတ်ခဲ့ရတယ်ဗျ...
အဖေ့ရဲ့ အကြွေးတွေနဲ့ ဆွေမျိုးတွေကြားမှာ မျက်နှာငယ်ခဲ့ရတဲ့ အမေ့ကို သနားမိတယ်
အမေရယ် ကျွန်တော်ရယ် ညီမလေးရယ် သုံးယောက်ထဲ အဖေ့ရဲ့ လုပ်ရပ်တွေကြောင့် ဒုက္ခပင်လယ်ဝေခဲ့ရတယ်.. ခုတော့ သူကနောက်အိမ်ထောင်နဲ့
ဒါတွေ ကျွန်တော် စီကာပတ်ကုံး မပြောချင်တော့ပါဘူးဗျာ... အဖေ့ကိုလည်း စိတ်မနာတော့ဘူး.. ကျွန်တော်တို့ ဝဋ်ကြွေးရှိလို့ ခံခဲ့ရတာပဲလို့ သဘောထားလိုက်တယ်...

အမေဟာ ကျွန်တော်တို့ မောင်နှမအပေါ်မှာ တကယ်ကို တော်တဲ့မိခင်ကောင်းတစ်ယောက်ပါ
ကျွန်တော်တို့ အရွယ်ရောက်လို့ ကျောင်းတက်ရမယ့် အချိန်မှာ အမေဟာ သားသမီးတွေ မျက်နှာမငယ်ရအောင် အစွမ်းကုန် အလုပ်တွေ ကြိုးစားခဲ့ပါတယ်..
မနက်၅နာရီဆို လမ်းထဲမှာ ပဲပြုတ်ထွက်ရောင်းတယ်၊ ရပ်ကွက်ထဲမှာ ရောင်းလို့ကုန်ပြီဆိုတာနဲ့ အမေ့ကို ခေါ်ထားတဲ့ အိမ်တွေမှာ အဝတ်လိုက်လျှော်ပေးရတယ်.. ညနေဘက်ဆို အကြော်ဆိုင်မှာ အကြော်ရောင်းတယ်... အမေ့မှာ နားတဲ့ရက်ဆိုလို့ တစ်လမှ ၁ရက် ၂ရက် ရယ်ပါ...
အမေကျွန်တော်တို့ အတွက် ဒီလောက်အစွမ်းကုန်ကြိုးစား ပေးနေတာ.. ကျွန်တော်ရင်ထဲမှာ တကယ်မချိဘူး.. ဒါကြောင့် အမေ့ကို တတ်နိုင်သလောက် အိမ်မှုကိစ္စတွေ ညီမလေးနဲ့ ဝိုင်းကူပေးခဲ့တယ်..
ကျွန်တော် လိမ္မာဖို့ ကြိုးစားပြီနေခဲ့တယ်.. ဒါပေမယ့် တစ်ခုတော့ ကျွန်တော်ဆိုးဖူးတယ်ဗျ

အဲဒါဘာလဲဆိုရင် အမေ့ကို သီချင်းနားထောင်တဲ့ စက်ကလေး ပူဆာမိတာ
mp3 player အဟောင်းလေးပဲ ဖြစ်ဖြစ်အမေရယ် ကျွန်တော့်ကို ဝယ်ပေးပါလို့ အမေမှ မဝယ်ပေးရင် သူငယ်ချင်းတွေကြားထဲမှာ မျက်နှာငယ်ရမှာပါလို့ ပူဆာဖူးတယ်....
ကျွန်တော်မျက်နှာ ငယ်ရမှာလို့ ပြောမိတော့ အမေကငိုတယ်...
သားရယ်.... သီချင်းနားထောင်ဖို့ ဆိုရင်တော့ mp3တွေ မလိုပါဘူး.. အမေကိုယ်တိုင်ဆိုပြမှာပေါ့ ဆိုပြီ လိမ့်ကျလာတဲ့ မျက်ရည်ပေါက်ကြီးတွေကို သုတ်ရင်း သူကြားဖူးတဲ့ သီချင်းတွေ ဆိုပြရှာတယ်။
အမေငိုတော့ ကျွန်တော်လည်း ကိုယ့်ကိုယ်ကို ငါတော့ မှားပြီဆိုတဲ့ အသိနဲ့ နောင်တရပြီး ငိုမိတယ်
ကျွန်တော်နဲ့ အမေနှစ်ယောက်သား ငိုနေတော့ ဘုမသိဘမသိ ညီမလေးကပါ ထငိုတယ်...
အဲဒီ့ညက သားအမိသုံးယောက် တစ်ယောက်ကိုတစ်ယောက် တင်းတင်းကျပ်ကျပ်ကလေး ဖက်အိပ်တုန်း အမေက ကျွန်တော်တို့နှစ်ယောက်ကို ချော့သိပ်တယ်...

နောက်တော့ ကျွန်တော့်မွေးနေ့ရောက်တော့ အမေက မွေးနေ့လက်ဆောင်အဖြစ် နားကြပ်ကလေးတခု လက်ဆောင်ပေးတယ်.. ရော့သား.. အမေသီချင်းနားထောင်စက် မဝယ်ပေးနိုင်သေးလို့ နားကြပ်ကလေး အရင်ဝယ်ပေးထားတယ်.. သားကျောင်းမှာ ဆုရမှ အမေပိုက်ဆံ ထပ်စုပြီး သီချင်းနားထောင်ဖို့ ဝယ်ပေးမယ် ငါ့သား စာသာကြိုးစားချေ တဲ့.. အမေပေးတဲ့ နားကြပ်ကလေးကို ကိုင်ကြည့်ပြီး ... ဒါလေးနဲ့ ဘယ်လို သီချင်းနားထောင်ရပါ့လို့ စဉ်းစားနေရင်း အမေရဲ့ အပြုံးမျက်နှာကြောင့် ကျွန်တော် ဖြေသိမ့်ခဲ့ရဖူးတယ်......

နောက်နှစ်တွေကြာတော့ ကျွန်တော်ရော ညီမလေးပါ တက္ကသိုလ်မှာ ဘွဲ့တွေ ကိုယ်စီရခဲ့ကြပြီ
ညီမလေးလည်း သူ့အလုပ်သူလုပ်၊ ကျွန်တော်လည်း အလုပ်ခွင်မှာမို့လို့ အမေ့ကို အေးအေးဆေးဆေး နားဖို့ပြောတယ်.. အမေက လက်မခံပါဘူး အရင်လို အဝတ်လိုက်လျှော်စရာမလိုတော့ပေမယ့်.... မနက်ဆို ဘုန်းကြီးကျောင်းလေး ဘာလေးသွားပြီး တရားနာ ကောင်းမှုကုသိုလ်ယူပြီး ညနေဆို အကြော်ထွက်ရောင်းတုန်း.... အသက်တွေလည်း ကြီးပါပြီအမေရယ် ဘုရားဖူးလေးဘာလေး သားအမိသုံးယောက် တူတူသွားမယ်နော် လို့ပြောခဲ့ဖူးတယ်။ ညီမလေး အိမ်ထောင်ကျမှ စိတ်ဖြောင့် လက်ဖြောင့် သေမယ်လို့ ပြောခဲ့တဲ့ အမေ....
အခုတော့ ရုတ်တရက်ကြီး...........

 terminal cancer တဲ့
 ဒါကြောင့် ကျွန်တော်အမေ့ကို ပြောဖူးပါတယ် ဆေးခန်းပြကြည့်ပါဦးလို့
အလုပ်ရှုပ်တယ် ပိုက်ဆံကုန်တယ်ဆိုပြီး ခေါင်းမာခဲ့တဲ့အမေ..
ဆရာဝန်ကလည်းပြောတယ် အမေ့လို ဒီလောက်နောက်ဆုံးအချိန်ထိရောက်တာတောင် အားတင်းနိုင်တဲ့လူမျိုး ရှားတယ်တဲ့

အမေဆေးရုံတက်တုန်း တုန်တုန်ရီရီနဲ့ ရေးပြီး  ပေးခဲ့တဲ့ စာလေးကို ကျွန်တော်နဲ့ ညီမလေး ဖတ်ဖြစ်ပါတယ်

သို့

သားကြီး
အမေ့ကို အမြဲအိမ်မှုကိစ္စတွေ ကူပေးတဲ့သား လိမ္မာလေး
တစ်ကိုယ်ကောင်းမဆန်ပဲ အမြဲ ညီမလေးအပေါ် ဂရုစိုက်တတ်တဲ့ သားလေး
အမေမရှိတဲ့ နောက်ပိုင်းလည်း ညီမလေးကို ဂရုစိုက်ပါကွယ်..
သား အပေါ်နားလည်မှုပေးမယ့် အိမ်ထောင်ရှင်မမျိုးနဲ့ စုံစည်းနိုင်ပါစေလို့ အမေဆုတောင်းခဲ့ပါတယ်

သမီးငယ်... ငယ်ငယ်က သမီးအရွယ် အပျိုလေးကို လှတပတမဆင်နိုင်ခဲ့လို့ အမေစိတ်မကောင်းဘူး သမီးရယ်.. သမီးအသံကြားရရုံ သမီးမျက်နှာလေး မြင်ရရုံနဲ့ အမေခွန်အားတွေ အမြဲရခဲ့ပါတယ်... အမေ့ပေါ်နားလည်မှုပေးပြီး ရှိတာလေးနဲ့ လှအောင် ဝတ်တတ်တဲ့ သမီးအတွက် အမေဂုဏ်ယူပါတယ်

လူဆိုတာသေမျိုးချည်းပါပဲ သံသရာမကုန်သေးသရ်ျတော့ သားနဲ့သမီးနဲ့ အမေထပ်စုံစည်းရဦးမှာပါ
ပြီးတော့... အမေမှာချင်တာတော့ အများကြီးပါပဲ... အဓိက ကျန်းမာရေး ဂရုစိုက်ကြပါကွယ်
သားနဲ့သမီးကို ချစ်တဲ့မေမေ

အိုး အမေ အမေ အမေ အမေ အမေ....
အမေမရှိတော့တဲ့ နောက်ပိုင်း... အမေဟိုးတုန်းက လက်ဆောင်ပေးခဲ့တဲ့ နားကြပ်ကလေးနဲ့ ကျွန်တော်အမေ့ အကြောင်းသီချင်းတွေ နားထောင်မိနေဆဲပါပဲ......... အမေရယ်


*********************************************************************
ကျွန်မကိုယ်တိုင် ခံစားရေးဖွဲ့ပါသည်
source ဒီက ယူပါသည်
 ဓာတ်ပုံတွေက Google ကပါ။